Friday, February 23, 2007

الأهلي كسب يا رجالة

بصراحة الماتش حلو
بس الحكم ظالم يعني
الكورة بتاعة حسام حسن مفيهاش أي حاجة، هو بس الراجل كبر في السن فمش بيقدر يجري كتير
بوجلبان 10/10
فلافيلو نجم، بلال مش مفهوم خالص، إيه العك دة؟؟
بس هو حسام لسة بيلعب كورة ليه
إحنا فعلا عندنا عادة وحشة أوي، مش بنعرف أمتا نبطل أي حاجة
يعني هو حسام ده مثلا بيلعب كورة من وانا في اللفة، ويمكن من قبل كدة كمان
والراجل الطيب اللي في بالي برضه عك الدنيا كتير، وبرضه مكمل
والريس مساك البلد دي من 25 سنة وبيقول لاخر نفس
بس وبعدين
مفيش أمل الكلام دة يتغير؟
يعني أنا راجل مؤمن بالقضاء والقدر
بس بقالي أكتر من 10 سنين مستني حسام يعتزل، والجدع دة يموت، ومفيش فايدة
نكتة حلوة جاتلي النهاردة عالموبايل
بيقولك مرة واحد في بلد لا تنعم بالديمقراطية التي تنعم بها مصر كان ماشي في الشارع رافع إيده وعمال بيقول الله يخرب بيتك يا حنفي
الله يخرب بيتك يا حنفي
جه ضابط شده من قفاه (شوف الإجرام، تسلميلي يا مصر) وقال له
وكمان مش عارف اسم الريس
يا ترى دول الريس بتاعهم كان اسمه إيه؟

No comments: