Tuesday, May 08, 2007

إن في مصر قضاة لا يخشون إلا الله

قضت محكمة القضاء الإداري بمجلس الدولة اليوم الثلاثاء 8/5/2007م برئاسة المستشار محمد الحسيني برفض تنفيذ قرار رئيس الجمهوية- بوصفه الحاكم العسكري- بإحالة 33 من معتقلي الإخوان المسلمين إلى المحاكمة العسكرية، وذلك للمرة الأولى التي يَصدُر فيها حكمٌ بالطعن على قرار رئيس الجمهورية
دا جزء من الخبر نقلا عن إخوان أون لاين
سمعت الخبر لأول مرة من سعد خيرت الشاطر
الحمد لله
إن مصر فيها قضاة زي المستشار محمد الحسيني
الحمد لله
لسه في أمل
الحمد لله
على سعادة كل اللي كلموني (من خارج الإخوان ومن الإخوان) وهم سعداء بهذا الخبر
الحمد لله
إن هي دي الروح اللي بيننا، وهو ده التضامن اللي بيننا، وهو ده وقوفنا أمام الظلم، بغض النظر عن مواقفنا السياسية واختلافاتنا الفكرية
شكرا..للقاضي الشريف
لكل وطني شريف وقف بجوار المعتقلين
لكل صحفي شريف عرض القضية بأمانة ونزاهة وموضوعية
لكل سياسي شريف تجاوز الخلافات السياسية مع الإخوان ووقف يدافع عن قضية المبادئ، يعلن فيها رفضه أن تكون المحكمة العسكرية هي إسلوب حسم الخلاف السياسي
أنا مبسوط
نفسي أشوف المهندس خيرت النهاردة
نفسي أروح أسلم على المهندس أيمن وأقولله حمد الله على السلامة
نفسي أعدي عالحاج حسن مالك وأهنيه
والله الدنيا مش سايعاني من الفرحة
بس برضه قلقان
أنا عارف إنه نظام ظالم ومستبد، ولا يعرف قانون ولا دستور
وخايف يعيد إعتقالهم بأي حجة، أو من غير حجة
ربنا يستر
كلمة صغيرة في الاخر: إذا كان هذا الحكم يعني أنه ليس من حق رئيس الجمهورية أن يحيل المدنيين للمحاكم العسكرية
فمين اللي هيرجع حق المساجين اللي حكمت عليهم المحاكم العسكرية بالإعدام
ومين اللي هيرجع عمر المساجين اللي قضوا فترات طويلة في السجن بأحكام عسكرية
أخيرا: أتمنى أن تكون هذه اللحظة إنطلاقة جديدة للعمل الوطني المشترك من أجل مصر للجميع تسودها العدالة، والكرامة، والحرية

11 comments:

jowayreya said...

الله أكبر الله اكبر و لله الحمد

هاجر said...

الله اكبر ولله الحمد
الله اكبر ولله الحمد
الله اكبر ولله الحمد
ياربي لك الحمد كما ينبغي لجلال وجهك ولعظيم سلطانك
والله مصر لسة بخير وحقيقي نشكر القضاء النزيه ونشكر المستشارمحمد الحسيني علي نزاهته
ونبارك لكل اولادوزوجات المعتقلين علي هذا الانتصار وعقبال ما يخرجوا ويقر عين اهاليهم بهم وتنقلب حياتهم بعدالحزن والهم الي سعادة وفرح ان شاء الله وعقبال منعم واللي معاه يارب انصرهم

اسلام رفاعى said...

حسبنا الله ونعم الوكيل فيمن ظلم هؤلاء المساجين وتحية خاصة لقضاة مصر الملاذالاخير لكل مصرى

وضـّاح said...

الله أكبر ولله الحمد

الله ملك الحمد على وجود مثل هؤلاء القضاة

الحمد لله الحمدلله

Anonymous said...

الله اكبر ولله الحمد انه حكم قضاء مصر العظيييييييييييييييم انه حكم شعب مصر القوى انه حكم المستشار الى لايخشى الا ربه المستشار الاستاذ النزييه الذى نشكرة جميعا المستشار محمد الحسينى اللهم اذد هؤلاء الاناس الذين لايخشون الا وجهك الكريييم انا فرحااااااااان فرحاااااااااان فرحااااااااااان لدرجة لاتوصف من السعادة انى احبهم فى الله انى فرحان علشان انس هايشوف ابوه تانى وكل ابناء المعتقليين والله اكبر ولله الحمد

اسلام رفاعى said...

أ/ابراهيم بعد اذن حضرتك أنا عملت رابط لمدونة حضرتك فى (أطالعهم)فى مدونتى

Anonymous said...

see this link,
http://www.youtube.com/watch?v=kvm1gERGtLo&mode=related&search

Medo Magdy said...

ميروك امصر كلها الحكم الرائع ده...الحمدلله لسة في امل في مصر....هو امل بعيد بس لسة موجود
القرار ده يعتبر انتصار طبعا
بس احنا عندنا الحكومة مبتعترفش بالهزيمه
واعتقد انهم مش هينفذوا القرار كالمعتاد
اتمنى اطلع غلطان....ويتم تنفيذ الحكم والافراج الفوري عنهم
بس ماعتقدش خصوصا بعد رفع الحصانة عن عضوين مجلس الشعب كمان
النائبان رجب أبو زيد وصبري عامر

اتفضل عندنا said...

be raghm en ana mesh ekhwan ( we mesh asdy en de tohma aw 7aga) laken ana fe3lan fere7t gedan bel khabar dah, Rabena sob7anaho wa ta3ala kebeer gedan we 3adel, 3omro ma hayseeb elzom yetgha 3ala el7a2.....we kol elzolm wel kahr elly e7na feh hayzool tool ma fe nas lesa emanha bellah kawy keda

اسماء العـــــــريان said...

قل موتو بغيظكم

الحمدلله ... الحمدلله ... الحمدلله

Mariam said...

Hello,
I was wondering if u could comment on the article written by Hamdy Rizk in Al Mousawer.

Thank U