Friday, May 11, 2007

نفسي أتسدت الله يقرقك

مش عايز أدون ماليش نفس أصل بصراحة حاجة تقرف أربع إفراجات والناس لسة في السجن والبيه اللي سعيد أوي إنه عنيد وبيعتبر دي صفة كويسة لسة بيعند بيقولها صريحة، أنا فوق القانون، ياخي خدك ربنا الله يقرفك زي مانتا قارفني من ساعة لما أمي ولدتني وإنت هنا قارفني في عيشتي مفيش غيرك في التليفزيون مفيش غيرك في الجرايد أكيد أهلك كمان زهقوا إيه الأرف ده حتى الأهلي خسر لما رحت...يا وش الفأر وبعدين إيه العند ده الله يخرب بيتك والبيت الجديد اللي في الزمالك مع بيتك يعني لو كانوا الإخوان قتلولك قتيل مكنتش هتعند كدة وفي الاخر يقولك القضية قضائية مش سياسية، مش عايز أعلق علشان مقولش كلام خارج بس قضائية إيه؟ في دولة محترمة تقعد تلعب ألاعيب لا تنتهي علشان لا تنفذ أحكام القضاء، الله ينتقم منك يا شيخ وإذ يتحاجون في النار فيقول الضعفاء للذين استكبروا إنا كنا لكم تبعا فهل أنتم مغنون عنا نصيبا من النار، قال الذين استكبروا إنا كل فيها إن الله قد حكم بين العباد والله ماحدش هاينفع حد وزي ما بنت أحد المعتقلين قالت في إحدى جلسات المحكمة قالت: إن شاء الله ربنا ينتقم منكم حتى تقر أعين كل المعتقلين يا ملعون إن شاء الله ربنا ينتقم منك علشان وصلتني لحالة الغضب دي وإن شاء لما تتنيل تموت وتغور في داهية ستذهب غير مأسوف عليك وهوزع شربات وأحتفل لو كنت أنا لسه عايش

5 comments:

معتز said...

يااااااااه
نفسك تشوفوا في ستين داهيه ده يدينا ويديك طوله العمر
هما الرؤساء بتموت يا راجل
بعدين هو الاهلي مخسرش لانوا كان حاضر الواد ابن علاء كان عايز الفنله بتاعت رونالدينهو ومكنش ينفع ياخدها وهو خسران فادي ام عسكري للاهلي انوا يخسر علشان الواد حفيده عايز الفنله

وبعدين بلاش يأس بكره يموت وتروق وتحلي

إبراهيم الهضيبي said...

ريس؟؟ريس مين يا عم؟ هو أنا قلت حاجة؟
عارف النكتة بتاعت اللي مشي في الشارع يقول الله يخرب بيتك يا حنفي الله يخرب بيتك يا حنفي فالضابط قبض عليه وقالله وكمان مش عارف اسم الريس

أحمد عبد الفتاح said...

انا معاك جدا في موضوع المقاطعه
اما بقه بالنسبة لموضوع الريس فواضح انك مش عشري
ده احنا شعبنا احلي شعب عشري في الدنيا
اما بقه بخصوص الاهلي فانا معاك ان الريس ابن وابن للصبح لكن الاهلي معتقدش لان الاهلي لو كان لعب 24 لاعب قدام برشلونة كان برضه خسر ولا انت مصدق انه غلب ريال مدريد قبل كده ؟
اما بخصوص النجاسة فلو قصدك بيها قصد لفظ مخفف عششان مينفعش تقول اللفظ الاصلي فانا هقول معاك تجاوزا نجاسة اما هي في الاصل حاجه تانية خالص انت عارفها

هاجر said...

من الواضح ان احنا هنموت كلنا وهو هيفضل عايش
وان كنت بتتكلم علي الاهلي اذا كان وشه وحش علي البلد البلد كلها اتخربت علي ايده هيكون وشه حلو يعني علي الماتش اللي حضره
ربنا يرحمنا برحمته

Someone loves u said...

The expression " ALLAH Yerefak hurts me alot . think about it , u'll discover that it is NOT polite to belong the "Araf" to ALLAH