Saturday, June 02, 2007

غرفتي

هكذا ينتهي يومي وأعود إلى غرفتي لأجلس وحدي بين جدران أربعة لا يوجد من أتحدث إليه لا يوجد ما أشاهده (لسه التليفزيون موصلش) سواء كانت نشرات أخبار، أو مباريات الأفلام اللي عندي كالكمبيوتر شفت أغلبها خلاص أعد أكلي بنفسي لا أجد أما أتحدث إليها، أو أبا أناقشه وأحاوره ليس معي إلا كتبي، وكمبيوتري وفي الخراج، لا أسمع زحام القاهرة حتى المحلات أغلقت أبوابها منذ وقت طويل لا يوجد من أحادثه هاتفيا إنها الغربة واحشاني أوي يا مصر واحشاني القعدة مع أصدقائي واحشني الناس اللي كنت بشوفهم كل يوم، أو كل كام ساعة واحشني معاذ مالك، أكتر واحد بشوفه في مصر واحشني المهندس خالد، والحوارات الطويلة اللي بيننا واحشني أحمد والقعدات اللي كنا بنقعدها بالساعات عنده في البيت وطبعا إبنه مصطفي، اللي مصر إصرار عجيب إن إسمي محمود واحشني منعم (أنا لسه مطمن عليه حالا، أحمد ربنا يكرمه بعتلي رسالة يقوللي إنه خرج خلاص، وكلمته سمعت صوته وإطمنت عليه) والنقاشات حول سبل الإصلاح ومجدي، وقفشاته واحشاني القعدة في مقاهي وسط البلد مع الصحفيين والباحثين ومع مجدي، ومنعم، و(الأخت) رباب، وشباب الجامعة باتجاهاتهم المختلفة القعدات اللي كنا بنناقش فيها أحوال البلد واللي كنا بنقعد نتكلم فيها عن أي حاجة في أي حاجة واللي كنا بنقعد نهزر فيها واحشني أهلي أوي واحشاني مكالمة أمي اللي كانت بتسألني هتروح إمتى وكنت بتضايق أوي علشان بيبقى لسه عندي مواعيد أد كدة واحشني أبويا، وإخواتي وجدتي، اللي فعلا بحب أشوفها وخالاتي، وولادهم، وبنت خالتي الصغيرة اللي عندها 3 سنين، وبتقعد تلعب معايا بتعمل أسد وتخوفني واحشاني شوارع القاهرة والناس اللي يتكاسر في السكة وسواق التاكسي اللي لما تقف جنبه في الإشارة تلاقيه بيتكلم معاك في الموضوع اللي بتكلم فيع اللي قاعد جنبك والإشارات اللي ملهاش لازمة والعساكر الطيبين، اللي الواحد لما بيكلمهم كلمة حلوة بس بيحس إنه أدخل على قلوبهم الفرحة والزحمة اللي كنت بقرأ فيها الورد بتاعي، وبخلص مكالماتي والمسلسل اليومي في البحث عن ركنة للسيارة واحشاني زحمة حياة القاهرة والمواعيد المتتالية والمشورة طول النهار ودخول البيت والواحد تعبان مش قادر يفكر، بيعمل كل اللي يقدر عليه علشان يسلم على أهله، ويقنعهم إنه مش تعبان ولا حاجة، ويدور على السرير، ويغرق في النوم كام ساعة متفهمونيش غلط أنا سافرت لأني حاسس إني محتاج للإحساس ده محتاج لوقت أفكر، وأراجع نفسي، وأكتب، وألعب شوية رياضة محتاج لوقت أكتشف نفسي، اللي تاهت مني في زحمة القاهرة محتاج أتعلم أعمل حاجتي بنفسي وأبطل أعيش معتمد على كل حد في كل حاجة من أول كباية النسكافيه، ولغاية أكلي ولبسي بس فعلا أول حاجة بحس بيها لما بدخل الأوضة، بتبقى إن بلدي وحشتني

14 comments:

ض/خالد said...

ترجع بالسلامة يا كبير
وربنا ميحرمك من زحمة القاهرة ولا دوشتها
ولا من سندوتشات فول اشلبراوي وجادولا من كشري شيخ البلد

همسة قلم said...

تعود بسلامة الله اخونا الكريم ابراهيم

ربنا يهون عليك وعلى الشباب كلهم الغربة برة مصر

ويهون علينا غربتنا جوة مصر

أروى الطويل said...

ربنا يرجعك بالسلامة
ان شاء الله

Anonymous said...

hawwen 3aleek akhyy, mettel mabey2olo, ma fe 7ello men 3'eer nar, we enta moradak kbeeeeeeeeeeer, we la bood tet3ab fe morado kol shee, laken el 3akeba lel mottakeen isA

ضى العين said...

ربنا يرجعك بالسلامه الى اهلك وبلدك
لكن مش علشان تعرف ازاى تعمل النسكافيه او تبعد شويه تقوم تسافر انا اعتقد انك فىبلدك ارحم الغربه وحشه اوى
ربنا يوفقك ويكرمك انت وكل الشباب اللى فى الغربه

ومضات .. أحمد الجعلى said...

ان شاء الله تعود من جديد عن قريب لغرفتك الصغيرة وتسعد هيا بيك قبل ما تسعد انت بيها.

يلا مش مهم said...

صاحبي
الابراهيم الهضيبي
عامل ايه يا نجم
وعايش ازاي في بلاد الغربة
علي العموم انا بدعيلك يا ريت تدعيلي
شفت اللي حصلي يا صاحبي من سخافات المصري اليوم
كنت عاوزك جنبي علشان تشيل شوية من الضربات اللي جاتللي من كل حتة
والصورة الذهنية السلبية اللي اترسمت عني وعن المدونة من بعض الناس
وعلي العموم احنا كنا متوقعين كدة من الاول وربك مطلع علي نوايانا وعارف مرادنا ومقصدنا
وان شاء الله هاتتفك من عنده
وحاجة اخيرة ازازة الريحة اللي انت جبتها حلوة قوي بس يا ريت متجبهاش لحد تاني او يوزك شيطانك وتكرر الهدية دية تاني معايا
لانها كانت كمين واتنصبلي يا صاحبي
ويللا مش مهم

محمد القط said...

اسمحلي بالتعليق

اوعى ترجع تاني ...انفد بجلدك ودينك !!
ولو على الخروجات والعواطف هتلاقي هناك إلي يهون عليك...ولسة كنت هناك في زيارة من فترة قريبة...هناك في ناس لذيذة ومحترمة هتقدر تتواصل معاهم

أندلس said...

بلادي وان جارت علي عزيزة

وأهلي وإن ضنوا علي كرام

مفيش في الدنيا مكان هتعرف ترتبط بيه زي مصر

طبعا لازم توحشك

fahd said...

بداخلي رغبة عارمة في ان اتعرف عليك
وان اعرف من انت وكيف تكون
لاانكر انه قد اعجبني دماغك
وطريقة تفكيرك
والمستوي
الذي تشرف فيه
بعقلك
انتظرك
لا ادري اين
ولكن
قد تقابلني
علي الماسنجر
هذا اذا قد تحب
fahdebnyonis@yahoo.com

أحمد محمد مرسي said...

السلام عليكم
انا علي فكرة سمعت عنك كتير لكن ما اتعرفتش عليك لسة
يمكن لما ترجع تتاح ليا الفرصة
ترجع بالسلامة ان شاء الله

عبدو بن خلدون said...



مع
إنك
نفضت
لي
لما
جيت
مصر

بس
أنا
لسا
مصر
أسوفك

ترجع
لنا
بالزلامة
يا
زلمة

فـــدوى said...

الغربة فعلا احساس وحش جدا
ربنا معاك يا اخ ابراهيم ويكرمك ان ويردك الى وطنك قريب ان شاء الله بس والله الغربة مش بالسفر بس انا بعتبر اننا اغراب جوه وطننا ودي اصعب من الغربة التانية

Anonymous said...

SA
Begad u made me cry when i read this article as i do feel the same , regarding ur words that u need to find yourself which u lost it in the crowed of Egypt rabna i3enak in this , and to do it right be honest with yourself & dont ask anyone advice ,take your decisions alone @ the end its ur life
Rabna Ma3ak isa