Tuesday, June 19, 2007

نقطة أخيرة

نسيت نقطة هامة جدا النهاردة كان عيد ميلاد العاشرة مساءا ومع وجود بعض التحفظات على البرنامج، فإنني لا أستطيع أن أنكر إعجابي به، وبسعيه الدائم للوصول للموضوعية والحيادية لكل العاملين في البرنامج، كل سنة وإنتو طيبين يا رب السنة الجديده يبقى البلد فيها أحداث أسعد تغطوها، علشان اللي بيشتغلو الشغلانة دي بيكتأبوا من اللي بيشوفوه برضة مش هانسى، عندي تحفظات شديدة ليس على بعض تغطيات البرنامج، ولكن على غياب التغطيات أحيانا (وأظن حلقة اليوم فسرت بعض أسباب ذلك)، وغياب الحيادية بصورة عفوية ولكنها مستفزة أحيانا من مقدمة البرنامج المحترمة مش وقته الكلام ده في عيد ميلادكم كل سنة وإنتم طيبين القراء الأعزاء، أقروا التدوينة اللي تحت دي، ومتنسوش التعليقات

8 comments:

Anonymous said...

thank u ya ibrahim for ur comment bas ya3ny mosh lazem te2atamna youm 3eed meladnaaaaa:))))))))))) joumana

Anonymous said...

thanks a lot ya ibrahim for ur gr8 comment..w e7na hanatakabal el nakd b roo7 ma3naweya 3shan e7na msh byhemena 7ad ...hehehehhe....
kol sana we7na taybeeennnnnnn...
Alaa

يلا مش مهم said...

كل سنة والعاشرة مساءا بخير
واسلام وجمانة واي حد تاني برضه بخير
ومش مشكلة ان مني الشاذلي قفشت علينا يا هضيبي عادي يعني ما البلد كلها قافشة علي اللي جابونا
بس بجد البرنامج جامد ولازم نكون حقانيين واحنا بنحكم علي الناس وبعدين يا اخي المسامح كريم
دول حتي شربونا شاي وقعدونا في مكتب نضيف ومنظم وشيك
ويللا كل سنة وانتوا طيبين
مجدي

أندلس said...

لفتة كويسة منك فعلا فكرتنا
بقالي كتير مش بتفرج عليه
بس هو فعلا برنامج متميز جدا وتقريبا ليا نفس تحفظاتك عليهها
لكن برضو لازم أقول أنها مثقفة جدا جدا بصورة ملفتة مقارنة بالمذيعات المصريات اللي بيتحفونا
وبرضو اهتمامها بالضيف وعدم مقاطعته(عادة)
كل سنة وهما طيبين

Anonymous said...

ya magdy thanks alot kolk zoo2 walhy enta bdg naortana wa ya reet te3mlaha tany wa ed3olna ya gam3a wa yala shokren enta kaman ya Ibrahim

Islam

Ahmed El-Agouz said...

السلام عليكم يا ابراهيم
طبعا كل سنة والعاشرة مساءا بخير هو بصراحة برنامج جيد بس المذيعة هي اللي عاملة قلق يعني زي ما بيقله تحسها بتتكلم من بطنها اسف علي التعبير بس هو ده اللي بحسه بحسها بتجمع الجملة بالعافية بس هي معقولة الي حد ما

إبراهيم الهضيبي said...

يا عم المذيعة مع تحفظاتي على أخطاءها العفوية أحيانا كما قلت فإنها من أحسن المذيعات في مصر، إن لم تكن أحسنهم على الإطلاق

يلا مش مهم said...

لاول مرة اكتب تعليقين في تدوينة واحدة
بس مينفعش الاقي اسلام كاتبة تشكرني ومردش الشكر
يا ست اسلام شكرا ليكم ولكل اعلامي شريف ونضيف بيحاول يعمل توازن في البلد اللي ماشية بالخرزانة والكلبش ومبعاش نفسه في وقت الطلب كتير علي اللي بيبيعه نفسهم ويتلمعوا ويتكلموا باسم النظام ومعندهومش اي مانع انهم يبقوا محامين للشيطان
وكمان شكرا علي الشاي الجامد اللي شربناه اللي بيثبت ان مصر لسة فيها خير وخير كتير
يا سلام لو كان معاه سندوتش جبنة قديمة بالخرشوف كان هايبقي جامد طحن
وطلب اخير هو انتي مش ناوينا تطلقي ارنب قريب
فاهماني ولا
ويللا مش مهم