Tuesday, June 26, 2007

شوية تعب

الحمد لله اليومين اللي فاتو جالي شوية عدم انتظام في ضربات القلب أكثر من مرة، وبصراحة قلقت على نفسي، ورحت المستشفى مرتين عملت رسم قلب وتحاليل والذي منه المهم الحمد لله مفيش حاجة تقلق، شوية صغط كدة في الشغل، مع الغربة والناس اللي وحشوني في مصر،وشوية عك بيحصل وبتابعه في الأخبار، ماهو أصله مبقاش في أخبار تفرح خالص، لا في مصر ولا فلسطين ولا أي حتة، بس الحمد لله على كل حال، والظلم يدفع للعمل على رفعه وليس لليأس، والأخطاء نتعلم منها ولا تقودنا لفقد الأمل الدكتور الله يسامحه لما عمل لي رسم القلب مش يطمني بقة، لأ مكانش عايزني أروح غير لما اتأكد من اللي كان رايح معايا إن المستشفى على بعد عشر دقايق من البيت، وطبعا إدانا رقم الطوارئ، وأكد عليا إن لو في أي ألم أنزل أورح على المستشفى على طول، طبعا أكد عليا إنه موجود للصبح، طبعا بعد الكلام اللطيف ده منمتش أصلا، ورحت تاني يوم كشفت وعملت تحاليل تاني، والراجل طمني شوية، بس لسة عايزني أعمل تحاليل كدو مش ناوي أعملها بصراحة بس هو ده كان سبب إني مكنتش برد على الإيميل، ولا على التليفونات، ولا على التعليقات، واللي كنت بنشره على المدونة كانت كلها حاجات عملتها قبل كدة في اتنين بقة عارفين نفسهم هما بس اللي في مصر اللي كانوا يعرفوا الموضوع ده، وهما اللي ربنا يباركلهم كانوا على طول بيتكلموا يسألوا، ربنا يكرمهم ويباركلهم، ادعولهم الحمد لله، أنا أحسن شوية، وإن شاء الله أكون أحسن لما الدنيا تهدى، أو أنا اتعلم إني مخدش كل حاجة على أعصابي
في كذا تدوينة أنا كاتبهم خلاص، وفي كذا حاجة تانية عايز أكتبها
ادعولي، والسلام عليكم

15 comments:

يلا مش مهم said...

السلام عليكم
الف الف الف حمدالله علي السلامة
يا صاحبي
يا رب اللي في بالي وانت لا
ويللا مش مهم

اسماء العريان said...

الف حمد لله على السلامه ويكون خير ان شاء الله وننتظر تدويناتك ... بس ياريت ما تكونش فيديو لانه مش شغال عندى ... معلش اعذر جهازنا المتخلف

د.وليد said...

ألف سلامة يا إبراهيم
ويا ريت ما تاخدش الأمور على قلبك فوى كدة وبلاش الإرهاق اللى زايد عن اللزوم
ربنا يبارك فيك وينعم عليك بالصحة والعافية

سحس said...

لابأس طهور ان شاء الله
شفاك الله وعافاك يا أخى

Anonymous said...

اخى الحبيب ابراهيم الف سلامة عليك واسال الله لك دوام العافية اخوك خالد عبدالله

واحد متابعك said...

ألف سلامة عليك ياابراهيم سلامة قلبك
.. انا اتخضيت أول ما وقعت عيني على كلمة قلبك دي ..لكن الحمد لله خير
الحمد لله رب العالمين
الحمدلله ..الحمد لله
الحمد لله ..خلي بالك من نفسك

Rodrigo said...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

Anonymous said...

شفاك الله وعفاك

ومن كل داء جعل لك دواء


ربنا معاك و مليون حمدا لله العزيز الجبار على سلامة حضرتك

ولمجرد التذكير احتسب الالم عند الله

وعسى انه يكون خير ان شاء الله


دعوة الفردوس

شروق الشمس said...

شفاكم الله وعفاكم

وربنا يجعله في ميزان حسناتك

jowayreya said...

salamu 3alaykom,
alf salama,
bas mate2la2sh men 7ekayet darabat el 2alb el saree3a, dah bas men el tawator wel stress, w dah aslan gali abl kida w l nas kteer 2a3rafha w 3amalna bardo echo w 2alolna nafs el kalam,

Khaled said...

الف سلامة ليك يا إبراهيم ، ربنا يحفظك و يبارك فيك و يفضل قلبك ينبض ويدق ويملا كل اللي حواليك دفء و حركة وتجدد و بهدي ليك اغنية لمنير باحبها جدا
قلب الوطن مجروح


قلب الوطن مجروح .. لا يحتمل أكتر ..
نهرب وفين هنروح .. لما الهموم تكتر ..
نحمي غصون الورد .. من دمع سال عالخد ..
آه يا حبيبة الروح .. قلب الوطن مجروح ..
لو حتى قلبي تاه .. بين الشجن والآه ..
يلي لؤاكي حياه .. أنا حبي ليك ِ صلاة ..
يا مطيره العصافير .. رجع الهوي بالخير ..
لو قلبي عاد ضميه .. أديه حنان وداديه ..
دا الصمت مش لينا .. فين الولد ميروح ..
لازم يعود أسمر .. قلب الوطن مجروح ..
لا يحتمل أكتر ..
لو تنطق الموال .. لازم يروق الحال ..
محتاج ليا دراع .. وشراع وراحة بال ..
محتاج ليكي نجوم .. هيمه في حضن هلال ..
لو بحرنا نسقيه .. صحيه وبوسي عينيه ..
ياما بكرا يسقينا .. خلي طريق البوح ..
يصبح طريق مرمر .. قلب الوطن مجروح ..
لا يحتمل أكتر ..
قلب الوطن مجروح .. لا يحتمل أكتر ..
نهرب وفين هنروح .. لما الهموم تكتر ..
آآه .. آآه ..



http://music.6arab.com/moneer..qalb-alwa6an-magroo7.rm

خد بالك من صحتك
خالد

عمرو المصري said...

الي اولئك الذين المتهم صور اقتتال الاخوة الاشقاء في فلسطين


الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


الي كل من انجر وراء حملة التضليل الاعلامي التي ساقوها علينا

الي كل ساع الي الحقيقة

الي كل هؤلاء اهدي

التبيان في اقتتال الاخوان

تجدونه فقط

في

ارض الحرب

أحمد أبو خليل said...

أولا : أنا أول مرة أعلق ولذلك سأقول : السلام عليكم ورحمة الله وبركاته

ثانيا : كما قال الجميع ألف سلامة
ثالثا : مقتنع أن تعليقك عما يحدث في فلسطين سيخدم اتجاه تدويناتك
رابعا : تفضلك بقراء قراءتي لوضع حماس ، من الممكن أن يوصل لك فكرة لا أريد التصريح بها الآن

مؤمن خلف said...

اخى الحبيب ابراهيم شفاك الله وعفاك وجعله فى ميزان حسناتك اخوك/مؤمن خلف /دعوة الخالدين

Anonymous said...

Alf salama ya Ibrahim, how is ur health now??