Saturday, August 18, 2007

لحد إمتى؟؟؟؟؟؟؟

من وقت لما القصاص خرج من المعتقل وأنا لسة مكنتش شلت الصورة اللي على الشمال تطالب بالحرية للقصاص مكنتش شلتها علشان كنت عايز أكتب حاجة وأنا بشيلها ومكنش عندي وقت وعلشان أنا كنت حاطط صورة للقصاص كواحد من ضمن مجموعة معتقلة؛ كما هو الحال مع المهندس خيرت، وعبد المنعم محمود وقت اعتقاله المهم إنه قصاص خرج من دون المجموعة، فبقي أكثر من نصفها قيد الاعتقال، على الرغم من صدور أحكام قضائية لصالحهم المهم إني دلوقتي شلت صورة القصاص بس للأسف أضفت بدلها صورة الدكتور عصام العريان، الذي يعلم الله كم أحبه لما كنت في مصر من فترة زرت الدكتور عصام مرتين أول مرة كان لوحده في المنزل لسفر أسرته، وتاني مرة كان في ناس كتير في المرة الأولى كان معايا أحد أساتذتي، وجلسنا نتحدث عن تركيا ونجاح العدالة والتنمية، وعن المشكلات المعاصرة للحركة الإسلامية في مصر والجذور التاريخية للمشكلات وكيفية علاجها وفي المرة الثانية كانت زيارة اجتماعية وجدت نفسي موجودا فيها بمناسبة زواج إبراهيم عصام، بس إبراهيم كان مسافر مكنش موجود أنا مش عارف الحقيقة: النظام هيبطل يعتقل الدكتور عصام إمتى؟ وإيه الحجة اللي ممكن تكون سبب في اعتقال رجل يعلم العالم كله اراؤه العتدلة، وانفتاحه، وتقبله للاخر، وحسن خلقه، وأدبه الجم، وتواضعه أنا أكيد بختلف مع الدكتور عصام أحيانا، كما هو الحال في مقالة كتبتها حديثا، ولكني لا أحرم نفسي أبدا من الاستفادة برأيه لما كنت عنده آخر مرة كان يمازحني علشان تدوينة (غسلت)، وبيقولي خلاص يا إبراهيم غسلت إتجوز بقة، وثم أخذني من يدي للأستاذ عاكف وحكى له ضاحكا على التدوينة الدكتور عصام هو أكثر الإخوان سؤالا عن جدتي بارك الله في عمرها، ربما هو والدكتور محمود عزت، ولا أظنها تحب أحدا من الإخوان كما تحبه، ربما لأن جدي كان يحبه حبا جما هو الاخر جدتي عندها الإخوان هما عصام العريان وقد كان دائم السؤال عن عمي رحمه الله، ووقف وقال كلمة مؤثرة على قبره يوم الجنازة، وقد أثر ذلك في أبي تأثيرا شديدا وأبي هو الاخر لا علاقة له بالإخوان، إلا أنه يحب بعض الإخوان، بسبب حب أبيه لهم، وحسن أخلاقهم، واعتدال آرائهم ومنهم من دون شك الدكتور عصام العريان، والمهندس خيرت الشاطر، والدكتور عبد المنعم أبو الفتوح الدكتور عصام سيدخل المعتقل مرة أخرى، لأستبدل صورة القصاص بصورة للدكتور عصام لحد إمتى سنبقى نستبدل الصور؟ يخرج الدكتور عصام من المعتقل، فيتم اعتقال المهندس خيرت بعدها بأيام معدودة، ويخرج فلان ليدخل علان إنه نظام قذر، والله نظام قذر يا دكتور عصام إن شاء الله تخرجلنا بالسلامة قريبا جدا المجموعة اللي مع حضرتك، والمجموعة المحالة للعسكرية، ومجموعة الدكتور غزلان، ومجموعات أخرى من المعتقلين لا أظن أن مصريا شريفا (على اختلاف آرائهم) بات سعيدا بعدما سمع بقرار الاعتقال فالدكتور عصام لم يكن ولن يكون شخصا عاديا ولكنه النظام القذر فحسبنا الله ونعم الوكيل

8 comments:

Ahmed S. Basyoony said...

بسم الله
قال تعالي
احسب الناس ان يتركوا ان يقولوا امنا وهم لا يفتنون
صدق الله العظيم
دعاؤنا للدكتور عصام العريان ومجموعته بالصبر والاحتساب وبسرعة الافراج يا رب العالمين
تحياتي

Anonymous said...

سلمت يداك وسلمت كلماتك وقلمك يا استاذ ابراهيم
وهى معركه هتفضل مستمره طول ما الحف لسه ادامه سنين عشان ينتصر على الظلم والفساد فى البلد دى
وربنا يفك اسر الدكتور عصام

asmaa ibnatalislam said...

والله يا استاذ ابراهيم انت عندك حق في كل كلمه قلتها هوه فعلا نظام قذر لكن مهما يعملو فاحنا برضه مش هنبطل ومش هنسافر ومش هنسيب لان احنا عارفين كويس جدا ان الحق معانا وان ربنا معانا وان علي اد الابتلاء والصبر يكون الجزاء (ولنصبرن علي ما اذيتمونا
هم فاكرين ان احنا هنتعب لكن احنا مستنين الجنه وهي غاليه اوي (ام حسبتم ان تدخلوا الجنة ولما يعلم الله الذين جاهدوا منكم)
ربنا يفك اسر عمو عصام وكل الشرفاء

عبدو بن خلدون said...



معلهش يا حج هيمة

كله بياخد وقته

المنشد العام للإخوان المسلمين said...

أتمنى منك مساعدتنا في هذه الحملة ولو بالنشر:

http://ellygowwaya.blogspot.com/2007/08/blog-post_19.html

جزاك الله خيراً..

/أخوك
المنشد العام للإخوان المسلمين

أخت مسلمة said...

طالما هناك شرفاء

طالما هناك فاسدون

سنظل نستبدل صورة الاخ هذا بصورة ذاك الاخ

حتي يتم الله أمرا كان مفعولا

اللهم اجعل محنتهم منحة لهم و هلاكا للظالمين

وردهم الينا سالمين غانمين غير مفتونين
وثبتهم علي الحق يا ارحم الراحمين

اللهم امين

--------
جزيتم الجنة اخانا الكريم

عاشقة الرحمن...سميه العريان said...

ربنا يفك اسر الجميع يا رب

جزيتم خيرا

شقاوة شعب said...

لم تمر فترة اكثر ظلما وابتلاء فى عهد ذاك "المبارك" اكثر من هذه الفترة
فالظلم لم يعد من نصيب الاخوان فقط بل امتد لكل الشعب ولكل الشرائح

وهذه عادة ما تكون نهاية الظالمين ...يسطرونها بايديهم

انظر الى هذه الصحوة الفكرية بين الشباب والتى لم نعهدها من قبل

اللهم ارفع عنا البلاء
وفك اسر اخواننا واساتذتنا